Tahlilan Numutkeun Nahdhatul Ulama

Fajri Malik Ibrahim

15 Juli 2015 ·

Oleh : Fajri Malik Ibrahim 

Seueur orang-orang Nahdhatul Ulama anu nyarios : Persis mah teu beuki tahlilan, urang Persis mah lamun maot teh mani saperti anjing tara di tahlilan.. !
Saleresna sanes Persis hungkul anu maotna teu ditahlilan teh.. malah ulama-ulama Nahdahtul Ulama taun 1930 oge ngalarang tahlilan !

Dina Majalah Al-Mawa'idz anu diterbitkeun ku Nahdhatul Ulama [NU] Tasikmalaya  Taun 1933, No ka 18, halaman ka 286 Di terangkeun kieu :

Tjindekna ngadamel rioengan di noe kapapatenan teh, ngalanggar tiloe perkara :

1. Ngabeuratkeun ka ahli majit; enja ari teu menta tea mah,
2. Ngariweuhkeun ka ahli majit; keur mah loba kasoesah koe katinggal maot oge, ari ieu kalah hajoh ditambahan koe atjara tahlian .
3. Njoelajaan Hadits, koe hadits mah ahli majit noe koedoe di bere koe oerang, ieu mah hajoh oerang nu dibere doeit/kadaharan dina tahlilan koe ahli majit

Terjemahan tina kutipan majalah NU diluhur nyaeta :

Cindekna ngadamel riungan di imah anu maot teh, ngalanggar tilu perkara :

1. Ngabeuratkeun ka kulawarga mayit, enya ari teu menta tea mah, 
2. Ngariweuhkeun ka kulawarga mayit,  keur mah loba kasusah ku katinggal maot oge, ari ieu kalah hayoh ditambahan ku acara tahlilan.
3. Nyulayaan Hadis, ku hadis mah kulawarga mayit nu kudu dibere ku urang, ieu mah hayoh urang nu dibere duit /kadaharandina tahlilan ku kulawarga mayit 

• Oge diterangkeun deui dina kitab I'anah anu diterbitkeun ku ulama Nahdhatul Ulama : 

ويحرم لاهل الميت الجلوس للتعزية، وصنع طعام يجمعون الناس عليه

Hartosna : jeung haramkeun hukumna kulawarga anu maot diuk keur jalma anu rek nepikeun belasungkawa [anu dimaksud belasungkawa didieu saur Ema Hj Yayah nyaeta TAHLILAN]oge haram hukumna kulwarga mayit nyadiakeun kadaharan tuluy jalma-jalma kumpul[tahilan]

• Oge disebutkeun dina kitab Al-muhtaj nyaeta kitab karangan ulama Nahdhatul ulama : 

 ومن البدع   فعلها: ما يفعله الناس من الوحشة والجمع والاربعين، بل كل ذلك حرام إن كان من مال محجور، أو من ميت عليه دين، 

Hartosna : Kaasup bid’ah nyaeta kalakuan loba jalma anu ngungkapkeun rasa sedih tuluy ngayakeun kumpulan 40 poe tina kamaotan si mayit. Malah hukumna eta sadaya teh haram lamun eta acara dibiaya'an ngagunakeun harta kulawarga si mayit atawa nalika mayit maot ninggalkeun hutang jsb.

Tahlilan numutkeun Imam Syafi'i : 

Jalmi-jalmi anu sok ngarayakeun acara Tahlilan sok ngaku-ngaku sebagai mazhab syafi'i.. tapi saleresna upami urang maca kitab Al-um anu di karang ku imam syafi'i, Imam syafi'i nyalira anjeuna nerangkeun kieu :

• ويحرم الْمَاْتَمَ وَهِيَ الْجَمَاعَةُ وَاِنْ لَمْ يَكُنْ لَهُمْ بُكَاءٌ

Hartosna : jeung kaula ngaharamkeun dahar, nyaeta kumpul [tahlilan] di imah simayit sanajan lain keur tangisan/ratapan [tingali dina kitab Al-um halaman ka 248]

• Masih dina kitab Al-um keneh imam syafi'i nerangkeun kieu : 

وَاَمَّا اِصْلاَحُ اَهْلُ الْمَيِّتِ طَعَامًا وَجَمْعُ النَّاسَ عَلَيْهِ فَبِدْعَةٌ غَيْرُ مُسْتَحَبَّةٍ

Hartosna : anapon nyadiakeun dahareun ku kulawarga si mayit tuluy kumpul rame-rame di imah si mayit maka nu kitu teh di sebut Bid'ah jeung lain sunnah [mangga tingali masih keneh dina kitab Al-um halaman ka 248]


Kasimpulan nana : 

1. Hukum Tahlilan numutkeun Ulama-ulama Nahdhatul Ulama Tahun 1930an nyaeta Bid'ah 
2. Tahlilan menurut Imam syafi'i oge Bid'ah 
3. Janten parantos jelas yen anu tara tahlilan teh sanes Persis hungkul tapi Ulama-ulama Nahdhatul Ulama oge tara tahlilan, Dalah Rosululloh sareng para sahabat oge waktos pupusna  henteu di tahlilan.. 
4. Tahlilan hukumna sanes sunnah tapi tahlilan hukumna Bid'ah Dolalah [Bid'ah anu Sesat]